Бичлэг тандагч2011-05-05,23:35
Аминдэмүүд хэрэгтэй юу, аль эсвэл аюултай юу? | |
| | |
| | |
| | |
Амьдралд хүн хамаг хүчээ шавхан ажиллаж байвч амжилтанд хүрч, барианд ойртоход ялимгүй алд дэлэм дэм хэрэгтэй байх үе бий. Ийм үед зориудаар, өөрийгөө зохиомлоор сэргээх нь аюултай байдаг. Та юуны тухай өгүүлж буйг удахгүй мэдэх болно. Өнөөдөр шинжлэх ухаан технологи өндөр хөгжиж, түүнийг дагаад үйлдвэрлэл эрчимтэй өрнөж байгаа энэ цагт үед хүн аль болох натураар амьдрахыг тэмүүлэх болов. Тэгэхгүй л бол технологид идэгдэх нь ойлгомжтой. Өнөөдөр Европ тивийнхэн амралтын өдрүүдэд эмийн сангаас салахгүй дугаарлан зогсох болжээ. Энэ нь аминдэм их хэрэглэх болсных. Хөгжлийн "үр дүнг" амссаар байгаад тэд түүндээ эргээд уруу татагдан орох болсныг дээрх дүр зургаас харж болохоор... Шууд хэлэх гэсэн гол сэдэвдээ оръё. Хүчил төрөгч, эрч хүч өгөх аминдэмүүдийг (нэг ёсны сэргээшүүд) тамирчид л хааяа зориудаар хэрэглэнэ үү гэхээс биш жирийн хүнд "зохих"-гүй нь мэдээж. Гэхдээ хүмүүс аж үйлдвэржилтийн оргил үе, түүнийг дагасан толгой эргэм их зар сурталчилгаанаас болж аминдэмүүдийг хэрэглэсээр байгаа нь нууц биш. Гэтэл тэдгээр аминдэминд хэрэгтэй, хэрэггүй бодисууд агуулагдаж, хүн түүнийг хэрэглэж, идэж уух биш харин эсрэгээр тэдгээр амин дэмүүд хүнийг идэж эхэлж байна. Кофеин. Энэ нь хүний биед адреналин ялгаруулдаг аминдэмүүдийн (үүнд ундаа ч ордог) гол сэргээш болдог байна. Хүний биед кофеин гурван цагийн турш үйлчилдэг боловч бие махбодиос удаан гадагшилдаг. Давтан ууснаас хэмжээг хэтрүүлж, цусны даралт ихэсэх, гэдэс өвдөх, алдагдах, сэтгэл мэдрэлийн хурц хямралд хүргэж болдог. Гуарана. Халуун орны ургамлын гаралтай мэдрэл сэргээх бодис. Сэргээгч навчнаас зажилсан зэрлэг омгийн дайчин бүсгүйчүүд марафонд гүйж, ганцаархнаа бар агнаж, аварга могойтой уралдан сэлж байв. Гэхдээ дараа нь тэднийг дахин амилуулж босгох хэрэг гарч байв. Хамгийн эрүүл хүмүүс ч муужирдаг. Матеин. Цайнд агуулагддаг бас нэг байгалийн гаралтай сэргээгч бодис. Дангаар хэрэглэх юм бол зүгээр. Харин кофеин, гуаранатай холивол дооз нь хэтэрч, хүчтэй үйлчилгээ үзүүлж, зүрхийг туйлдтал нь ажиллуулдаг. Хүн орхоодой. Эрч хүч нэмдэг байгалийн гайхамшиг бүхий ургамал. Гэвч эрч хүч оруулдаг аминдэм, ундааны найрлагад орсон үед мэдрэлийг хэт цочроож, цусны даралт ихэсгэдэг. В-гийн төрлийн аминдэмүүд. Олон үйлдвэрлэгчид эдгээрээр бүтээгдэхүүнээ баяжуулдаг. Гэвч хэрэглэгчдийн эрүүл мэндийн төлөө юу гэдэг нь чухал. Аминдэмүүд нойр сэргээж, ядаргаа арилгадаг бодисуудыг ялгаруулан мэдрэлийн цочрол өгөх явдал бий. В-гийн төрлийн аминдэм бүхий бодисуудын хүний биед үзүүлэх нөлөө хэдийгээр тэр бүр харилцан адилгүй байдаг ч тэдгээрийг сайн судалсан байдаг. Харин эрч хүчээр цэнэглэгч бусад амин дэм, ундаанд ордог бодисуудын нөлөөлөл бараг судлагдаагүй байдгийг анхаарах хэрэгтэй. Таурин. Амин хүчил, хүний цөс болон янз бүрийн эсүүдэд агуулагддаг. Хулгана дээр туршиж үзэхэд биеийн хүчний ачаалалтай үед ядрахыг нь багасгаж байв. Хүн дээр туршилт хийгдээгүй болохоор мэдээж хэрхэн үйлчилдэг нь судлагдаагүй гэсэн үг. Энэ бодисыг хүний бие өөрөө хангалттай хэмжээгээр ялгаруулдаг учир хүнсний бүтээгдэхүүнд нэмж оруулах шаардлагагүй байдаг. Жишээ нь, эрч хүчний гэгддэг лаазтай ундаануудад хоёр өдрийн хэрэгцээт таурин агуулагддаг байна. Ийм хэмжээнийх хүнд ямар нөлөө үзүүлж болохыг хэн ч мэддэггүй. Глюкуронолактон. Бас сайн судлагдаагүй бодис. Ямар ч эрч хүч агуулдаггүй. Бодисын солилцооны үр дүнд ялгардаг хорт бодисуудыг цуснаас гадагшуулах явцыг бага зэрэг түргэсгэж өгдөг. Уг нь ингэхийн тулд хүний биед ялгарч байдаг багахан хэмжээний бодис хангалттай байдаг боловч глюкуронолактон нь зарим амин дэм, ундаанд их хэмжээгээр агуулагдаж байдаг. Карнитин. Мах, сүү, жимс ногоонд байдаг. Бие махбодид өөрт нь ялгарч байдаг бас л оньсого шиг бодис. Ялимгүй тун нь өөх тосыг задлаж, хуваарилахад оролцдог. Их хэмжээгээр биед орохоор юу болох нь мэдэгдэхгүй. Инозит-спиртийн нэг төрөл. Ундаа үйлдвэрлэгчид энэ бодисыг элгэнд уураг, тос, нүүрс, усыг илүү идэвхтэй боловсруулахад тус нэмэр болдог гэдэг. Харин эмч нар эрүүл элгийг спиртээр идэвхжүүлэх шаардлагагүй, харин ч өвчтэй элэг спиртээс болж зүгээр л нурж бутардаг хэмээн эсэргүүцдэг. Аминдэм бүхий амттан, ундаанд үүнээс гадна янз бүрийн химийн бодисууд агуулагдаж байдаг. Хүчиллэгийг зохицуулагч, химийн будаг болон бусад шаарагууд эсүүд дунд хуримтлагддаг бөгөөд тэдгээр нь хүний биед ямар хэрэгтэй, ямар үр дагаварт хүргэж болохыг хэн ч мэддэггүй, учир нь тэр бүр сайн судлагдаагүй. | |
