Энхболдын блогт тавтай морил

Ходоод гэдэсний өвчнөөс урьдчилан сэргийлэх тухай Ходоодны өвчин үүсэх гол шалтгаан бол шүд болон амны хөндийн эрхтэн муудах юм. Шүд суларч муудсанаас хоолоо муу зажилах, бүхлээр нь залгих, архи уух, тамхи татах, олон цаг хоолгүй байх, уураг, өөх тос ихтэй хурц хоол ялангуяа унтахын өмнө их идэх хоолны дэглэм алдах зэрэг нь өвчин үүсэхэд шууд нөлөөлнө. Ходоод гэдэсний замын өвчнүүд хоорондоо холбоотой үүсдэгээс настай хүмүүс хоёр гурван давхар өвчин тусдаг. Тодорхой цагт хооллоход хоол боловсруулах эрхтнүүдийн шүүрэл фермент ихээр ялгарч хоолыг сайн боловсруулна. Дараагийн хооллох хүртэл түр амарч ажиллах хүчээ сэлбэнэ. Иймээс тогтмол цагт хооллож сурвал хоол боловсруулах замын олон сэргийлнэ. 

Настай хүмүүст хоол боловсруулах шүүрэл ферментийн идэвхи буурснаас витамины шимэгдэлт багасдаг. Иймээс хаврын цагт сарын хугацаагаар витаминыг нэг ширхэгээр өдөрт гурван удаа, зөгийн балыг цайны халбагаар өдөрт 3 удаа, нохойн хошууны хандыг хоёр цайны халбагаар өдөрт 2 удаа өглөө, орой хоолноос өмнө уу. Хооллохоос хол зайтай хумбан цэцгийн хандыг хоолны халбагаар гурван удаа уух нь ч сайн байдаг. Таван салаа зуун настын хандыг хэрэглэж байх нь ходоод гэдэсний ажиллагаанд сайн нөлөөтэй. Настай хүмүүс ихэвчлэн ходоодны хүчил багассан цөсний агшилт суларсан байдгаас Жанчивлан, Оргил зэрэг рашааныг хүйтнээр нь 150-200 мл хооллохоос 20-30 минутын өмнө удаан шимж ууна.Харин ходоодны хүчил цөсний агшилт ихэссэн үед хооллохоос нэг цаг хагасын өмнө халуун бүлээнээр нь балгаж уугаарай.Ходоодны өвчнөө эмчид үзүүлж, шаардлагтай бол эм ууна. Эмчийн зааврын дагуу эм уух хэрэгтэй. Ходоод гэдэсний замын өвчин хурцадсан үед өөх тос багатай жижиглэн жигнэж чанасан хоол идэж давсалсан зүйл лаазалсан мах, борц халуун ногоо, сонгино.сармис, архи, шарсан мах өтгөн цай, цэвэр сүү, бүхэл хоол хэтрүүлж идэхгүй байж тамхи татахгүй байвал сайн.

Настай хүний хөдөлгөөн багасах, аарцаг хэвлийн булчин сулрах зэргээс өтгөн хатах нь цөөнгүй. Ер нь унтаад босоход урд өдрийн идсэн хоолноос шим тэжээлийн бодис нь биед шимэгдээд хэрэгцээгүй болсон нь ходоод гэдэсний замаар гадагшлах ёстой байдаг. Өглөө бүр буцалсан ус уух нь ходоодыг цэвэрлэж өтгөн хаталтаас сэргийлнэ. Гэдэсний хөдөлгөөн сайжруулах иллэгийг өглөө орой хийж гэдэсний булчин гүрвэлзэх хөдөлгөөнийг сайжруулах дасгалыг хийж байх нь зүйтэй.